Maelezo ya Series: . Mwanzo wa vita na kuzaliwa kwa Jumong Mwaka wa 108 kabla ya Kristo (108 KK), dola ya Han kutoka China inateka ufalme wa kale wa Gojoseon. Baada ya ushindi huo, makabila na miji iliyokuwa katika eneo la Manchuria na kaskazini mwa Rasi ya Korea inawekwa chini ya utawala mkali wa Wachina. Kiongozi shujaa anayeitwa Haemosu anaanzisha mapambano dhidi ya wavamizi kupitia jeshi la upinzani linaloitwa Damul Army. Anashirikiana kwa siri na Prince Geumwa wa ufalme wa Buyeo ili kuwalinda watu na kuwasaidia wakimbizi wa Gojoseon. Siku moja, Haemosu anajeruhiwa vitani na kuokolewa na mwanamke anayeitwa Lady Yuhwa, kutoka kabila la Habaek. Haemosu na Yuhwa wanapendana, lakini Geumwa naye anampenda Yuhwa. Baadaye, Haemosu anavamiwa na wanajeshi wa Han, anakamatwa na kuanguka kutoka kwenye mwamba. Watu wengi wanaamini kwamba amekufa. Yuhwa analazimika kwenda kuishi katika jumba la kifalme la Buyeo. Huko, anakuwa mke wa pili wa Geumwa kwa maana ya suria, na baadaye anajifungua mtoto wa kiume anayeitwa Jumong. Watu wa ikulu wanaamini kwamba Geumwa ndiye baba wa Jumong, lakini ukweli ni kwamba baba yake wa damu ni Haemosu. 2. Jumong akiwa mwana wa mfalme dhaifu Miaka ishirini baadaye, Jumong anakua akiwa kijana asiyejiamini, dhaifu katika mapigano na anayeogopa changamoto. Hali yake inatofautiana sana na kaka zake wa kambo, Daeso na Youngpo, ambao ni wana wa Geumwa na mke wake mwingine. Daeso na Youngpo wanashindania haki ya kurithi kiti cha ufalme wa Buyeo. Kwa kuwa wanaamini Jumong ni mwana wa Geumwa, wanamuona kama mpinzani anayeweza kuwanyang'anya ufalme. Chuki ya mama yao dhidi ya Lady Yuhwa inaongeza uhasama kati yao. Hatimaye, Daeso na Youngpo wanapanga njama ya kumuua Jumong. Njama hiyo inamlazimisha Jumong kuondoka katika jumba la kifalme, na maisha yake yanaanza kubadilika kabisa. Ngwele TV.